სიყვარულს მაინც ვუმღერებ
32, ფოთი, საქართველო

ცოლი არა მყავს... არც შვილი,
ისევ მარტო ვსვამ ხვანჭკარას,
ჩემს მარტოობას არ ვჩივი,
იასამანიც დამჭკნარა.

ვკითხულობ ომარ ხაიამს,
ცრემლით სველდება თვალები,
მირჩევნის მის რობაიებს
,,ღვინო, დუდუკი, ქალები“.

მერი, მედეა, ნათია,
ლილე, შორენა, თამარი,
ყველა იმისთვის ანთია,
ქვეყნად რაც არის მთავარი.

სულ რომ მიყვარდეს, - ის მინდა,
გული მაქვს მართლა ალალი,
ანდამატივით მიზიდავს
დღემდე ლამაზის დალალი.

მინდა წავიდე წინ მხოლოდ,
მისხალს შევმატო მისხალი,
ჩემთან რომ უნდა იცხოვროს,
ჯერ კიდევ არ ჩანს ის ქალი.

ვარ ჯერჯერობით უცოლო,
დარდებს გავატან ყვირილას,
სიყვარულს მაინც ვუმღერებ,
თუნდაც დამიჭკნეს გვირილაც.



ოთარ რურუა

1 ნახვა
 
კომენტარები

კომენტარები ჯერ არ არის.
იყავი პირველი - დაწერე შენი კომენტარი

ბლოგები
ბლოგების განახლება ხდება ყოველ 5 წუთში